Бид бизнес болон VIP захиалгат нислэг, онцгой байдлын эрэн хайх аврах нислэг, мөн орон нутагт ачаа шуудан илгээх нислэг, алслагдсан аймаг сумуудад яаралтай үеийн түргэн тусламжийн нислэгүүд, дотоодын аяллын нислэг зэрэг ерөнхий зориулалтын салбарт өргөн хүрээтэй нислэгийн үйл ажиллагаагаа явуулж байна.
Агаарын тээврийн салбар нь манай улсад 1930 оноос үүсэж хөгжсөн бөгөөд энэхүү тээвэрлэлтийг Монголын тээвэр зуучийн компаниуд зохион байгуулж эхэлсэн нь 1990 он юм.
Агаарын хөлөг нь дэлхий дээр бусад тээврийн хэрэгслүүдтэй харьцуулахад хамгийн найдвартай тээврийн хэрэгсэл юм. Ихэнх хүмүүс агаарын тээврээр зорчихдоо айдастай байдаг. Хэр найдвартай байдаг бол.. ямар нэгэн зүйл эвдэрвэл яах бол гэх мэт.Агаарын хөлөг ихэвчлэн үндсэн системээс гадна нөөц систем заавал байдаг учир энэ илүү эрсдэлийг багасгаж найдвартай ажиллааг хангаж байдаг.
Агаарын хөлгийн нислэгийн хурдыг тодорхойлохдоо тухайн онгоцны хүчин чадлаас хамаарч дундаж хурдаар тооцдог боловч нислэгийн үед урдаас болон араас чиглэлтэй салхины нөлөөллөөс хамаарч хурд өөрчлөгдөж байдаг.
Нисэх онгоц нь зөвхөн зурвас дээр буудаг хэдий ч нисдэг тэрэгтэй харьцуулахад илүү хурдан, илүү олон зорчигч болон ачаа тээвэрлэх онцлогтой байдал.Харин нисдэг тэрэг хаана ч бууж болох боломж маш өндөр.
Нисдэг тэрэг нь буух болон хөөрөхдөө жингийн хязгаарлалттай байдаг бөгөөд нислэгийн өмнө агаарын хөлгийн даргад хүний тоо болон ачааны жин овор хэмжээг нарийн мэдээлэх шаардлагатай байдаг.
Агаарын хөлгөөр зорчихдоо урьдчилж тохиролцсон нисэх цаг буюу агаарын хөлөг хөөрөхөөр хамгийн багадаа 1 цагийн өмнө ирсэн байх шаардлагатай.
Нислэгийн цагийн хязгаарлалт нь тухайн өдрийн нар мандах болон нар шингэх цагаар хязгаарлагдах боловч нисгэгчийн нислэгийн үүрэг гүйцэтгэх цагийн хязгаарлалт тухайн компанийн тогтоосон дүрэм журмаар тогтоогдсон байж болно. Мөн маршрутаар бууж хөөрөх цэгүүд түлш авах хугацаа зэрэг ордог ба дээрх тооцооллыг нисэх багийн даргатай харилцан ярилцаж тохирох нь илүү хялбар байдаг.
